Hoekom die bohaai oor Orlando stadium en die Bloubulle? Daar word mos al lank sokker gespeel op Loftus, Ellispark en op Nuweland? Hoekom haal daai wedstryde nie die nuus nie? Word die sokkerondersteuners ook so goed ontvang in Pretoria soos die rugbyondersteuners Saterdag in Soweto ontvang gaan word? Dis sommer ‘n paar goed waaroor ek wonder so op die vooraand van die Bulls vs Crusaders wedstryd in Soweto.
Moet my nie verkeerd verstaan nie. Ek dink dit is great! Wie sou kon dink dat eendag ver in die toekoms die ou Noord-Transvaal in Soweto gaan rugby speel, nogal vir ‘n semi. Wie sou dan nog daarby kon droom dat die stadion binne etlike ure uitverkoop sal wees en dat die locals van Soweto nie kan wag om die “boere” van Pretoria ‘n ding of twee oor braaivleis te leer nie.
Die nuwe SA, you gotta love it!
OK, terug na my openingsparagraaf. Hoekom die bohaai? Wat maak dit so vreemd wanneer ‘n oorwegende wit, Afrikaanssprekende sportspan en hul oorwegend wit Afrikaanse ondersteuning in Soweto gaan laertrek? Of mis ek die punt? Is dit agv die Bulle se identiteit met stadion soos Loftus en ‘n “dorp” soos Pretoria, of bring dit ou wonde na vore en die hoop op versoening en herstel?
Dalk beide? Maar ek kan nie help om te hoop dat dit meer met laasgenoemde te doen het nie.
Miskien besef ons almal die wonderlike ironie hiervan. Dalk voel ons aan dat dit flippen hoog tyd is dat die bakkies met die blou balle (toevallige dubbelsinnigheid...) die gasvryheid van 'n plek soos Soweto beleef. Dat boy en boer 'n boerie kan deel en dat niks van die ou fights meer saak maak nie.
En miskien het die meeste van ons, van wit tot swart, van Pretoria tot Soweto, van rugby ondersteuners tot sokker supporters, die brandende behoefte dat die afgebrande bruêe weer opgebou sal word. Ons sal enige daad van versoening soos koeksisters opeet, solank dit net nie met ‘n politieke agenda kom nie.
Dus kry die sokker en rugbybase steeds meer reg wat eenheid en nasietrots aanbetref as enige politieke party of leier (Madiba en Tutu uitgesluit...).
Ek is nie ‘n Bul ondersteuner nie, my hart hoort immers Suid. Maar wragtag kom môre five o clock en ek skreeu “Go Victor” soos laas teen die Chiefs. Ook maar net tot 19:00, want dan voel ek ‘n veer vir versoening en nasietrots...
Moet my nie verkeerd verstaan nie. Ek dink dit is great! Wie sou kon dink dat eendag ver in die toekoms die ou Noord-Transvaal in Soweto gaan rugby speel, nogal vir ‘n semi. Wie sou dan nog daarby kon droom dat die stadion binne etlike ure uitverkoop sal wees en dat die locals van Soweto nie kan wag om die “boere” van Pretoria ‘n ding of twee oor braaivleis te leer nie.
Die nuwe SA, you gotta love it!
OK, terug na my openingsparagraaf. Hoekom die bohaai? Wat maak dit so vreemd wanneer ‘n oorwegende wit, Afrikaanssprekende sportspan en hul oorwegend wit Afrikaanse ondersteuning in Soweto gaan laertrek? Of mis ek die punt? Is dit agv die Bulle se identiteit met stadion soos Loftus en ‘n “dorp” soos Pretoria, of bring dit ou wonde na vore en die hoop op versoening en herstel?
Dalk beide? Maar ek kan nie help om te hoop dat dit meer met laasgenoemde te doen het nie.
Miskien besef ons almal die wonderlike ironie hiervan. Dalk voel ons aan dat dit flippen hoog tyd is dat die bakkies met die blou balle (toevallige dubbelsinnigheid...) die gasvryheid van 'n plek soos Soweto beleef. Dat boy en boer 'n boerie kan deel en dat niks van die ou fights meer saak maak nie.
En miskien het die meeste van ons, van wit tot swart, van Pretoria tot Soweto, van rugby ondersteuners tot sokker supporters, die brandende behoefte dat die afgebrande bruêe weer opgebou sal word. Ons sal enige daad van versoening soos koeksisters opeet, solank dit net nie met ‘n politieke agenda kom nie.
Dus kry die sokker en rugbybase steeds meer reg wat eenheid en nasietrots aanbetref as enige politieke party of leier (Madiba en Tutu uitgesluit...).
Ek is nie ‘n Bul ondersteuner nie, my hart hoort immers Suid. Maar wragtag kom môre five o clock en ek skreeu “Go Victor” soos laas teen die Chiefs. Ook maar net tot 19:00, want dan voel ek ‘n veer vir versoening en nasietrots...
Comments