Ek voel vandag skoon depres. Dis nie meer hier nie. Dis verby. Daar is niks meer oor om te voel nie. Spanje kraai koning, die res van die wereld het reeds aanbeweeg en duisende Suid-Afrikaners wonder wat om met al die goedkoop, papierdun vlae te maak. Maar ai dit was lekker. 6 weke van goeie sokker, boonop nog op SABC ook. Vir die eerste keer in ‘n lang tyd het ek nie myself verwyt vir die gebrek aan ‘n dekodeerder en ‘n skottel nie.
Nog ‘n kerel wat waarskynlik vandag bietjie depres voel is ons eie Prez, Jacob Zuma. Want sien die afgelope tyd moes hy tweede kitaar speel terwyl Sepp Blatter beheer geneem het oor die Republiek. En het hy nie ‘n goeie job gedoen nie. Die polisie was gewapen en paraad, die paaie was blink en skoon, die rye was lank maar vinnig en die vibe, ag die vibe was fantasties. Vir ‘n beter intree prez kon ons nie gevra het nie. Draai natuurlik ‘n blinde oog vir Sepp en vriende se een groot agenda met FIFA sokker en hul gasheerlande: WINS, moerse baie wins.
Terug na ons eie prez. Ek het hom gisteraand ‘n bietjie jammer gekry. Hy moes die afgelope maand by elke groot wedstryd wees, saam met Sepp op die veld verskyn, saam met Sepp die spelers groet, saam met Sepp en die adelikes in losies uithang, en saam met Sepp sy serpie dra en kyk hoe dat Sepp en Fifa vir hom wys hoe ‘n land eintlik “gerun” moet word. As ek die prez was sou dit my later begin pla het.
En toe word die beker oorhandig en Sepp en Zuma probeer saam-saam die beker aangee, die kaptein lig dit omhoog, die vuurwerke gaan af, R Kelly sing van oorwinnings, Shakira waka-waka, die spelers dans...bo-op Zuma! Was dit net ek wat dit gesien het? Die Spanjaarde, die ou kolonialiste het bo-op Zuma gedans, soveel so dat hy koes-koes van die toneel moes verdwyn. Sy statigheid was amper moertoe getrap.
Ek vermoed ons prez voel vandag ‘n bietjie deprez...
Nog ‘n kerel wat waarskynlik vandag bietjie depres voel is ons eie Prez, Jacob Zuma. Want sien die afgelope tyd moes hy tweede kitaar speel terwyl Sepp Blatter beheer geneem het oor die Republiek. En het hy nie ‘n goeie job gedoen nie. Die polisie was gewapen en paraad, die paaie was blink en skoon, die rye was lank maar vinnig en die vibe, ag die vibe was fantasties. Vir ‘n beter intree prez kon ons nie gevra het nie. Draai natuurlik ‘n blinde oog vir Sepp en vriende se een groot agenda met FIFA sokker en hul gasheerlande: WINS, moerse baie wins.
Terug na ons eie prez. Ek het hom gisteraand ‘n bietjie jammer gekry. Hy moes die afgelope maand by elke groot wedstryd wees, saam met Sepp op die veld verskyn, saam met Sepp die spelers groet, saam met Sepp en die adelikes in losies uithang, en saam met Sepp sy serpie dra en kyk hoe dat Sepp en Fifa vir hom wys hoe ‘n land eintlik “gerun” moet word. As ek die prez was sou dit my later begin pla het.
En toe word die beker oorhandig en Sepp en Zuma probeer saam-saam die beker aangee, die kaptein lig dit omhoog, die vuurwerke gaan af, R Kelly sing van oorwinnings, Shakira waka-waka, die spelers dans...bo-op Zuma! Was dit net ek wat dit gesien het? Die Spanjaarde, die ou kolonialiste het bo-op Zuma gedans, soveel so dat hy koes-koes van die toneel moes verdwyn. Sy statigheid was amper moertoe getrap.
Ek vermoed ons prez voel vandag ‘n bietjie deprez...
Comments