Oor ‘n week of wat sal die uittog begin. Die tasse en toksakke is reeds afgestof, die coolerboks uitgespoel en splinternuwe swembroeke, strandhandoeke en visplakkies is ten duurste aangeskaf. Groot blink karre word vir oulaas gediens, karrevane word gewas, uitgepak en oorgepak. Op plekke soos Margate, Hartenbos en Stilbaai word liters draairoomys, bier en brandewyn aangekoop. Die slaghuise kry hul voorraad tjops en wors gereed en Four Cousins bottel vir ou laas ‘n paar duisend bottels soet en semi-soet wit, rooi en pienk partytjiewyn. Vrouens gaan vir selftan sessies, mans bo 40 is vir die eerste keer hierdie jaar in ‘n gym besig om hul lywe “strandgereed” te kry en iewers is ‘n matriekmeisie besig om haar eerste tattoo te beplan. Afrikaanse “popsterre” wat heel jaar lank liedjies sing met titels soos “Pomp jou wiele styf” en “Kap daai tannie kwaai” werk eweskielik hard aan ‘n kersfees CD vir die langpad. En salig onbewus van al hierdie opwindende dog uitputtende dinge is oupa en ouma iewers in die Strand of op Mosselbaai besig om die slapies af te tel tot hul kleinkinders kom kuier. Pasop Kapenaars, die Gautengers is op pad!
En moenie vir een oomblik dink die resessie het hul onder gekry nie. Ek bly nou al vir bietjie meer as ‘n jaar hierbo in die Noorde en het oorgenoeg tyd gehad om hierdie vreemde volk te leer ken, hulle almal, deur die bank beplan om in Desember 2009 “groot te gaan.” Hulle het hard gewerk, hulle verdien hul ruskans, hulle gaan die murg uit die tuinroete, die ooskus, die weskus, die noord-kaap selfs tot doer in Namibie uitsuig, fancy verpak, terugbring Johannesburg toe, dit franchise en dit dan aan niksvermoedende oorsese sokker toeriste volgende jaar tydens die wereldbeker te verkwansel. Hulle gaan ‘n “killing” maak.
Maar ek, ek is min gepla oor al hierdie dinge wat op die Kaap en elders wag, want hierdie jaar het ek die kort lootjie getrek om die “graveyard shift” te beman en as die Nuwe Groot Trek eers begin gaan Johannesburg in die rustigste dorp hierdie kant van die Vaalrivier verander, of so hoop ek.
Kyk, aanvanklik was ek heavy gespanne oor die vooruitsig om in Johannesburg agter te bly. Ek is immers nog diep in my hart ‘n boytjie van die Boland. My brei R is nog rasperagtig en my ekke, bekke en plaashekke staan nog almal met hul voete plat op die grond. “Sal ek dit oorleef?” het ek gespanne gewonder. Kan ‘n Kapenaar op ‘n ander plek as in die Wes-Kaap vakansie hou?
Op die dorp waar ek grootgeword het, was daar ‘n groepie boere wat altyd tydens die Julievakansie in die Kruger Wildtuin gaan kamp het. My pa het altyd gese hy ry nooit sover om in ‘n tent te gaan bly, agter leeus en olifante aan te ry, net om dan weer by jou tent te kom om te ontdek dat die ape jou vleis en brood gesteel het nie. Dus het ons het maar altyd gewag vir Desember om iewers (naby) in ‘n ou huisie teen die see, ‘n berg of ‘n (dikwels droe) rivierloop ons siele te gaan lawe.
So waar gaan ek inhaal op my winter tan anders as op “Bikini beach”? Waar gaan ek kan wyntoer anders as in Stellenbosch, Paarl, Wellington of Robertson? Waar gaan ek vars oesters, kreef, snoek en galjoen vir goedkoop kan kry anders as by die Muisbosskerm of by Paternoster se Voorstrand Restaurant? Waar gaan ek in bergpoele kan swem, teen kranse klouter of saam met die rivier afdryf anders as by Dwarsrivier in die Cerderberge? Hoe gaan ons kersfees hou sonder die bekendheid van ma se kos, pa se vleis en my grootword huis?
Maar toe tref dit my:
Dis dalk nie so sleg om agter te bly nie. Joburg is tog nie so bad soos die Kapenaars (en sommige Gautengers) dink nie. Die weer is fantasties en die locals is lekker. Daarby saam kort my garage rakke, my tuin aandag en Builders Warehouse is net om die draai. Die groente wat ek paar maande gelede geplant het is ook al amper gereed om geoes te word.
Nee wat.
‘n Maand in Johannesburg sonder ‘n bloubul ondersteuner met die blouballe agter sy groot 4X4 bakkie wat my van die pad af jaag terwyl hy op sy selfoon praat oor die volgende Toskaansgeinsprireerde sekuriteitskompleks wat hy en sy vennoot gaan bou, kan mos net salig wees.
‘n Maand van wyn drink, kosmaak en boeklees saam met my vrou en ons honde op ons eie stoep klink mos al klaar soos vakansie.
Die meeste van ons vriende het hul geld hierdie jaar op ‘n nuwe bakkie,huis, braaiplek, swembad of pooltafel gespandeer, hulle het ook nie nou geld om te gaan vakansie hou nie, dus gaan ons oorgenoeg geleenthede uitdink om saam te kuier en fees te vier. So ‘n maand van braai en kuier saam met die “agtergeblewens”, fietsry in die Cradle of Mankind, soesji eet, bier drink en uithang by plekke soos Melville, Greenside en New Town sonder die gejaag om die verkeer terug huistoe te mis, kan mos wragtag ook soos vakansie voel.
En moenie vir een oomblik dink die resessie het hul onder gekry nie. Ek bly nou al vir bietjie meer as ‘n jaar hierbo in die Noorde en het oorgenoeg tyd gehad om hierdie vreemde volk te leer ken, hulle almal, deur die bank beplan om in Desember 2009 “groot te gaan.” Hulle het hard gewerk, hulle verdien hul ruskans, hulle gaan die murg uit die tuinroete, die ooskus, die weskus, die noord-kaap selfs tot doer in Namibie uitsuig, fancy verpak, terugbring Johannesburg toe, dit franchise en dit dan aan niksvermoedende oorsese sokker toeriste volgende jaar tydens die wereldbeker te verkwansel. Hulle gaan ‘n “killing” maak.
Maar ek, ek is min gepla oor al hierdie dinge wat op die Kaap en elders wag, want hierdie jaar het ek die kort lootjie getrek om die “graveyard shift” te beman en as die Nuwe Groot Trek eers begin gaan Johannesburg in die rustigste dorp hierdie kant van die Vaalrivier verander, of so hoop ek.
Kyk, aanvanklik was ek heavy gespanne oor die vooruitsig om in Johannesburg agter te bly. Ek is immers nog diep in my hart ‘n boytjie van die Boland. My brei R is nog rasperagtig en my ekke, bekke en plaashekke staan nog almal met hul voete plat op die grond. “Sal ek dit oorleef?” het ek gespanne gewonder. Kan ‘n Kapenaar op ‘n ander plek as in die Wes-Kaap vakansie hou?
Op die dorp waar ek grootgeword het, was daar ‘n groepie boere wat altyd tydens die Julievakansie in die Kruger Wildtuin gaan kamp het. My pa het altyd gese hy ry nooit sover om in ‘n tent te gaan bly, agter leeus en olifante aan te ry, net om dan weer by jou tent te kom om te ontdek dat die ape jou vleis en brood gesteel het nie. Dus het ons het maar altyd gewag vir Desember om iewers (naby) in ‘n ou huisie teen die see, ‘n berg of ‘n (dikwels droe) rivierloop ons siele te gaan lawe.
So waar gaan ek inhaal op my winter tan anders as op “Bikini beach”? Waar gaan ek kan wyntoer anders as in Stellenbosch, Paarl, Wellington of Robertson? Waar gaan ek vars oesters, kreef, snoek en galjoen vir goedkoop kan kry anders as by die Muisbosskerm of by Paternoster se Voorstrand Restaurant? Waar gaan ek in bergpoele kan swem, teen kranse klouter of saam met die rivier afdryf anders as by Dwarsrivier in die Cerderberge? Hoe gaan ons kersfees hou sonder die bekendheid van ma se kos, pa se vleis en my grootword huis?
Maar toe tref dit my:
Dis dalk nie so sleg om agter te bly nie. Joburg is tog nie so bad soos die Kapenaars (en sommige Gautengers) dink nie. Die weer is fantasties en die locals is lekker. Daarby saam kort my garage rakke, my tuin aandag en Builders Warehouse is net om die draai. Die groente wat ek paar maande gelede geplant het is ook al amper gereed om geoes te word.
Nee wat.
‘n Maand in Johannesburg sonder ‘n bloubul ondersteuner met die blouballe agter sy groot 4X4 bakkie wat my van die pad af jaag terwyl hy op sy selfoon praat oor die volgende Toskaansgeinsprireerde sekuriteitskompleks wat hy en sy vennoot gaan bou, kan mos net salig wees.
‘n Maand van wyn drink, kosmaak en boeklees saam met my vrou en ons honde op ons eie stoep klink mos al klaar soos vakansie.
Die meeste van ons vriende het hul geld hierdie jaar op ‘n nuwe bakkie,huis, braaiplek, swembad of pooltafel gespandeer, hulle het ook nie nou geld om te gaan vakansie hou nie, dus gaan ons oorgenoeg geleenthede uitdink om saam te kuier en fees te vier. So ‘n maand van braai en kuier saam met die “agtergeblewens”, fietsry in die Cradle of Mankind, soesji eet, bier drink en uithang by plekke soos Melville, Greenside en New Town sonder die gejaag om die verkeer terug huistoe te mis, kan mos wragtag ook soos vakansie voel.
Comments